اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین نظرات
  • ۱ آذر ۹۶، ۰۱:۰۹ - محمد
    ریدی
پیوندها

شعر یا شعره بنزر بیر سؤزلر!!!

دوشنبه, ۴ خرداد ۱۳۹۴، ۱۲:۳۷ ب.ظ

جاوانلیق چاغلاریندا، هردن اؤز اؤزومه بیر سؤزلر قوشاردیم دئیردیم بس شعردیلر!

سونرالار او قدر بؤیوک شاعیرلردن شعر اوخودوم کی باشا دوشم، شعر شوخلوق بیر زاد اولا بیلمز!

بیر ایکی دفتر یازدیقلاریمدان یاندیردیم، نه یه کی، دئدیم: اؤزوموزو لاغچیلارین لاغینا نیشانه ائله مییک.

او گونلرده دوستلاریمیمن بیرییله شعرله شیردیک!

اوتوز ایل بوندان قاباق یازدیقیم شعره بنزر لردن بیرینی اوخودوم، دوستومون خوشونا گلدی. چوخ آلقیشلادی. منی چاشدیردی. دئدیم: بالام اولمایا منیم یازیلاریم ائله شعریمیش، بیلمزدن یاندیرمیشام!!!

چوخ باشینیزی آغریتماییم، ائله او سببه بیر ایکی دانا قوشدوغوم بایاتیلاردان دوستلاریلا پایلاشیرام تا منی باشا سالسینلار گؤروم منیم یازدیقلاریم شعریمیش یا یوخ؟

دئسز یوخ، بیر دفه لیک شعر دفترین بوکوب اؤپوپ قیراغا قویارام.

بودا من یازدیقیم بایاتیلاردان بیر نئچه سی؛

یاناغیندا لاله وار

ساچیندا شلاله وار 

ایچمه میش کئفلنمیشم

گؤزونده پییاله وار.

------------

سونایام گؤلدن آیری

بولبولم گولدن آیری

دیلیمی باغلاییبلار

اوزانام ائلدن آیری.

----------

سو ایچدیم چاناقدان من

بال داددیم دوداقدان من

گول باشین تیکان آلمیش

باخیرام اوزاقدان من.

---------

دوداقدا سؤز یئری وار

کابابدا کؤز یئری وار

کیم سنه گیزلین باخیب؟

اوزونده گؤز یئری وار!

--------

کابابی کؤزدن آللام

سورمه نی گؤزدن آللام

قاشییلا گؤز ذکاتین

آی کیمی اوزدن آللام.

------

آلیشیب یانیب کؤزووه دؤننم

بولاق دوداغیندا سؤزووه دؤننم

سن منه گیزلینجه بیر کره باخسان

باشیوا دولانیب، گؤزووه دؤننم. 

------

قاشلارین یایا بنزر

بنیزین آیا بنزر

بال سوزن دوداقلارین

چاغلایان چایا بنزر.

------

ایلدیریم شاخدی گئچدی

یئر گؤیو یاخدی گئچدی

عؤمرون شیرین گونلری

سئل کیمی آخدی گئچدی.

------

غزللرده قالسین دوستلارین نظرین آلاندان سونرایا...

هله ایش چوخدو!   

  • میر حسین دلدار بناب

نظرات  (۵)

سلام ؛

وبلاگ خوبی داری ، این مطلبت را هم خوندم جالب بود .

اگه تونستی یه سری به سایت من هم بزن و نظرت را بگو .

سرزمین آریایی - Http://ariae.ir
  • مهدی شیخ زاده
  • سلام چرا سوزوندید واقعا محشر اند من به ادامه نوشتنتون رای میدم
    پاسخ:
    سلام
    ممنون مهدی عزیز.
  • گرگرلی آراز
  • سلاملار آمیر حوسین جنابلاری

     

    نییه کی گوزل اولماسین -بولاق یوخدوکی وار !کاباب وار !چای قیراقی وار !داها بیر چاغیرماقیز قالیر  اوپوشاق باشلایب  میل ائده ک !بیر شعیرده کی  بونلار اولدو  او هم ایسته ملی هم یئمه لی اولار  سیز ائله بوجور خرجله ین !!

    پاسخ:
    سلاملار
    ائله بیر آدام کی ایلده ایکی کره مککه یه گئتدی بئله اولار.
    بیرده سن گل بیزیم گؤزوموز اوسته قدم قوی گؤر کاباب اولار یا یوخ؟
    هله مککه سوقتلرین کی آچمامیسان؟
  • اکبر دهقان
  • سلام عزیز دلدار قارداش
    دوزون دئییم کی بوجور شیرین و اوره گه یاتان بایاتی لار چوخ آز گؤرموشم. بونلاری بیرکیتاب ائله سن چوخ گؤزل اولار. یاشاسین
    پاسخ:
    سلام
    عزیز باریش منی چاشدیرمایین.
    من بیر آز تئز اینانان آدامام.
    آخی دوغرودان بونلارا شعر دئمک اولار؟!
  • قالایچی مورتوض
  • دودادقدا سوز یئری وار
    کابابدا کوز یئری وار
    کیم سنه گیزلین باخیب
    اوزونده گوز یئری وار

    بو منیم

    www.tungal. arzublog.com
    پاسخ:
    سلاملار
    آی قارداش 
    من چوخ اللشدیم 
    آمما
    سنین بو تازا وئبین آچا بیلمه دیم!!!

    ارسال نظر

    ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
    شما میتوانید از این تگهای html استفاده کنید:
    <b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
    تجدید کد امنیتی