اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین نظرات
  • ۱ آذر ۹۶، ۰۱:۰۹ - محمد
    ریدی
پیوندها

۲ مطلب در مرداد ۱۳۹۴ ثبت شده است

۲۲
مرداد

سؤز وار کؤنولو آلار

سؤز وار عقربدی دالار

دیلینی ساخلاماسان

ایلان تک خالقی چالار

    *****

سؤز وار کؤنولو اوولار

سؤز وار شیطانی توولار

سؤز وار ساواش یاتیردار

سؤز وار قیلینجلار سوولار

     *****

سؤز وار زهر کیمیدیر

سؤز وار شکر کیمیدیر

سؤز وار قارانلیق گئجه

سؤز وار سحر کیمیدیر

     *****

سؤز وار قیل و قال اولار

سؤز وار خالیص حال اولار

سؤز وار بوبردن آجی 

 سؤز وار سوزمه بال اولار

     *****

سؤز وار اینجی دن ظریف

سؤز وار شرف دن، شریف

سؤز وار اوردولار پوزار

سؤز وار قوشونا حریف

     *****

سؤز وار گؤزلری آچار

سؤز وار نوردو، نور ساچار

سؤز وار اورک اووسونلار

سؤز وار اوندان قان قاچار

     *****

سؤز وار قانماز قاندیرار

سؤز وار گؤیه قالدیرار

سؤز وار اوجاق سؤندورر

سؤز وار چیراق یاندیرار

     *****

سؤز وار داغا میندیرر

سؤز وار داغدان اندیرر

سؤز وار شنلیک یارادار

سؤز وار اورک سیندیرار.


هله آردی وار...




  • میر حسین دلدار بناب
۰۶
مرداد

ساقی امانه گلدیم

نی تک فغانه گلدیم 

دولدور چاناغی دورما

بالله کی جانه گلدیم.

     

*****

ساقی امان ایستیرم

باغ جنان ایستیرم

جانانه ال تاپماغا

جان ایچره جان ایستیرم.

     *****

ساقی خلیل ایستیرم

نور جلیل ایستیرم

ظلماته باتمیش هر یئر

خضری دلیل ایستیرم.

     

*****

ساقی منی یاد ائله

ساغر گتیر شاد ائله

فرعون دونی غرق ائت

موسانی آزاد ائله.

     

*****

ساقی منی مست ائله

از، یاخ یئره، پست ائله

جانیم قوشون قفسدن

آزاد و سربست ائله.

    

 *****

ساقی فتوح ایستیرم

جام صبوح ایستیرم

دونیانی پاک ائتمه یه

طوفان نوح ایستیرم.

     

*****

ساقی حسین ایستیرم

نور دو عین ایستیرم

حلاج و بایزیدم

من شور و شین ایستیرم.


هله لیک آردی وار...

  • میر حسین دلدار بناب