اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین نظرات
پیوندها
۰۷
فروردين

گؤزلریمده یاش تیترر

کیپریک تیترر قاش تیترر

قارا خبر گلنده

داغ باشیندا داش تیترر.

دلداربناب

  • میر حسین دلدار بناب
۱۷
اسفند

دورنا اولوب اوچایدیم

سرحدلردن کئچه یدیم

قارا قئییدلی قیشدان

یاشیل یازا کؤچه یدیم.

دلداربناب

  • میر حسین دلدار بناب
۰۸
بهمن

باخیشین دادلی غزل

باشلانیر اوندان ازل

گولر گوللر بیلیرم

دوداغین قاچسا گؤزل.

دلدار بناب

  • میر حسین دلدار بناب
۰۹
دی

بیر بایاتی 

عزیزلریمه ایتحاف؛

داماریمدا قانیمسان

جان ائوینده جانیمسان

بیرگون ایمانه گلسم

دینیم سن ایمانیمسان.

دلداربناب


تلگرامدا ائلیمیز - دیلیمیز آدیندا کانالیمین لینکی؛

                                                                             eldilimiz@

  • میر حسین دلدار بناب
۱۱
آبان

نفس وورا وورا داغ باش یوخاری گئدیردیم.

اؤز عالمیمده سئیر ائدیردیم.

بیردن بیرهنیرتی ائشیتدیم، دؤنوب باخدیم. دالیمجا بیر کؤپک  گلیردی.

قارا بیر کؤپک. گؤزل. دوزلو. تب تمیز.

باخیشلاریندا محببت دالغالانیردی.

چانتامدان بیر تیکه چؤرک چیخاردیب قاباغینا آتدیم.

قویروغونو بولاییب باشلادی چؤرگی یئمه یه.

هارا گئتدیم دالیمجا گلدی.

اؤز اؤزومه دئدیم بورا باخ سن آللاه!

بو کؤپک بیر تیکه چؤرگین قدرینی بیر بئله بیلیر. نه دوز بیلن بیر حیواندی بو.

ائله کاش آداملاردا بیر بئله دوز بیلن اولایدیلار.

بیر نئچه ساعات داغ چیخدیم.

دره اندیم.

آمما کؤپک مندن ال چکمیردی.

داغین اتگینده ماشینیمین یانینا یئتیرنده ائله بیل کی آنلادی آیریلیق زامانیدی.

ساغ سولوما کئچدی.

باشماقلاریمی اییله دی.

قاباغیمی کسدی کی مندن آیریلماسین.

منی بیردن بیره بیر قهر باسدی.

آی داد و بیداد.

آی داد و بیداد.

آی آداملار اؤیره نین.

هئچ اولمایا بیر کؤپک قدر محببتیز اولسون. آی مخلوقاتین اشرفلری!

بو حالدا بیر بایاتی جوشدی اوره گیمده؛

مندن اؤترو اسن یوخ

دؤزن یوخ تلسن یوخ

یولا دوشوب گئدنده

قاباغیمی کسن یوخ!

                 اؤزومه یازیقیم گلدی ...

  • میر حسین دلدار بناب