اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین مطالب
آخرین نظرات
  • ۱ آذر ۹۶، ۰۱:۰۹ - محمد
    ریدی
پیوندها

۲ مطلب در تیر ۱۳۹۴ ثبت شده است

۲۰
تیر

ساقی منه مئی گتیر 

ال ساخلاما هئی گتیر

نیسگیل سازین چالماغا

بیر سیزلایان نئی گتیر


     *****

ساقی شراب ایستیرم

شراب ناب ایستیرم

انّا فتحنا کیمی 

بیر فتح باب ایستیرم


      *****

ساقی پییاله گؤندر

یاردان نواله گؤندر

درویش مستحقّه

یازدیر حواله گؤندر


*****

ساقی هایاندا قالدین؟

یاردان نواله آلدین؟ 

درویش مستحقّی

 یارین یادینا سالدین؟


     *****

ساقی پییاله دؤندی

جانیم هیلاله دؤندی

منلیک منی بوراخدی

نقصان کماله دؤندی.


     *****

ساقی پییاله گؤندر 

 بیر دسته لاله گؤندر 

آل جانیمی الیمدن

اول مه جماله گؤندر


     *****

     هله آردی وار... 



  • میر حسین دلدار بناب
۰۲
تیر

 بو گلن آیدی گلیر 

دوم دورو چایدی گلیر 

تانرینین گولوشودور

چیلله ده یایدی گلیر


   *****

بو گلن آیدی گلیر

سئلده سارایدی گلیر

خانلار بیگ لر ظولموندان

ائلدن هارایدی گلیر


   *****

اوجاق یانار الوولار

گؤزلرین منی اوولار

بئهیشتین ایچینده ده

آدمی شیطان توولار


  *****

گول اوزونون خالیندان

دوداقلارین بالیندان

گون گؤرنده اوتانیر 

یارین آی جمالیندان


  *****

یارین شیرین سؤزلری

اووسون ائدن گؤزلری

گئجه لر اویاق ساخلار

گؤیده کی اولدوزلاری


  *****

بو گئدن آیدی گئدیر

سارایا تایدی گئدیر

دنیز پریلرینه

قوناقدی پایدی گئدیر


  *****

بو گئدن آیدی گئدیر

گوللره تایدی گئدیر

دونیا جهننمیندن 

جننته پایدی گئدیر 


  *****

یار گلدی گوله باخدی

دؤنوب بولبوله باخدی

دریندن بیر آه چکدی

گؤزوندن گولاب آخدی


  *****

               هله آردی وار...

  • میر حسین دلدار بناب