قاشلارینین یایینا
اوزده اولان آیینا
نئجه من شوکر ائیله ییم
آللاهیمین پایینا؟
*****
دان اولدوزو چیخدی گل
کدر منی سیخدی گل
گؤز یاشیم سئله دؤندی
ائو جیغیمی ییخدی گل
*****
سونام گؤللر دلیسی
سارام سئللر دلیسی
وورولدوم بیر جئیرانا
اولدوم ائللر دلیسی
*****
یاغیش یاغار سئل اولار
داملا داملا گؤل اولار
سنی گؤرمه ین گونوم
اوزانار بیر ایل اولار
*****
اوولاری اووچو اوولار
تور قورار اووچو اوولار
داغدان بیر جئیران گلیر
گؤزلری اووچو اوولار
*****
داراقلار تئله دیدی
اوراقلار گوله دیدی
الین قوروسون اجل
اوخون بولبوله دیدی
*****
بو گلن آیدی گلیر
لیلی یه تایدی گلیر
هامینی ائدیب مجنون
بهیشتدن پایدی گلیر
*****
بو گلن آیدی گلیر
شیرینه تایدی گلیر
سانکی جننت قوشودی
تانریدان پایدی گلیر
*****
گون دولانار آی گلر
یازدان سونرا یای گلر
غمدن بیزه دالبادال
خالوار خالوار پای گلر
*****
عزیزیم بئله دوشدی
ایشیم موشکوله دوشدی
یادلار دردیمی بیلدی
دیللردن دیله دوشدی
*****
هله آردی وار...
