شعر یا شعره بنزرلر (دؤدونجو حیصصه)
شنبه, ۲۰ تیر ۱۳۹۴، ۰۲:۵۵ ب.ظ
ساقی منه مئی گتیر
ال ساخلاما هئی گتیر
نیسگیل سازین چالماغا
بیر سیزلایان نئی گتیر
*****
ساقی شراب ایستیرم
شراب ناب ایستیرم
انّا فتحنا کیمی
بیر فتح باب ایستیرم
*****
ساقی پییاله گؤندر
یاردان نواله گؤندر
درویش مستحقّه
یازدیر حواله گؤندر
*****
ساقی هایاندا قالدین؟
یاردان نواله آلدین؟
درویش مستحقّی
یارین یادینا سالدین؟
*****
ساقی پییاله دؤندی
جانیم هیلاله دؤندی
منلیک منی بوراخدی
نقصان کماله دؤندی.
*****
ساقی پییاله گؤندر
بیر دسته لاله گؤندر
آل جانیمی الیمدن
اول مه جماله گؤندر
*****
هله آردی وار...
