بیر نئچه بایاتی
شنبه, ۱۵ خرداد ۱۳۹۵، ۰۸:۰۱ ب.ظ
ساقی گتیر چاناغین
قوی دیده مه ایاغین
ال ساخلاما اماندیر
سؤندور غمین چیراغین.
*****
ایچین ایچین آغلادیم
کؤنلومه کؤز باغلادیم
سئودالار اوجاغیندا
اوره گیمی داغلادیم.
*****
گوزگویم سیندیریرلار
کیتابام یاندیریرلار
آتالار اوجاغییام
سو سپیب سؤندورورلر.
*****
عزیزیم یاز گتیرسین
گولوشون یاز گتیرسین
یئل گلنده بویانا
بیر مکتوب یاز گتیرسین.
*****
سحرلر خوروز بانلار
کیم اونون دیلین آنلار؟
هارایلار عؤمور کئچدی
دورون غافیل اینسانلار.
بایاتی‌لارین هامیسی گؤزل. بیرینی سئچمک زوروندا قالسایدیم بونو سئچردیم:
گوزگویم سیندیریرلار
کیتابام یاندیریرلار
آتالار اوجاغییام
سو سپیب سؤندورورلر.
رحمتلیک دوکتور نطقی دئمیشلی: قیریلمیش آینامدا تکرار اولورام..
یاشا وار اول