شعر یا شعره بنزر سؤزلر! (بئشینجی حیصصه)
سه شنبه, ۶ مرداد ۱۳۹۴، ۱۲:۵۶ ب.ظ
ساقی امانه گلدیم
نی تک فغانه گلدیم
دولدور چاناغی دورما
بالله کی جانه گلدیم.
*****
ساقی امان ایستیرم
باغ جنان ایستیرم
جانانه ال تاپماغا
جان ایچره جان ایستیرم.
*****
ساقی خلیل ایستیرم
نور جلیل ایستیرم
ظلماته باتمیش هر یئر
خضری دلیل ایستیرم.
*****
ساقی منی یاد ائله
ساغر گتیر شاد ائله
فرعون دونی غرق ائت
موسانی آزاد ائله.
*****
ساقی منی مست ائله
از، یاخ یئره، پست ائله
جانیم قوشون قفسدن
آزاد و سربست ائله.
*****
ساقی فتوح ایستیرم
جام صبوح ایستیرم
دونیانی پاک ائتمه یه
طوفان نوح ایستیرم.
*****
ساقی حسین ایستیرم
نور دو عین ایستیرم
حلاج و بایزیدم
من شور و شین ایستیرم.
هله لیک آردی وار...
ساغر گتیر شاد ائله
فرعون دونی غرق ائت
موسانی آزاد ائله
ماشاالله اولسون تورک ادبیاتیندا یئنی بیر مولانا ایسته ییریک.
بیرده اوستاد ائلچی بئی معلیم هئی سنن منیم وبیمیزه نظر قوماغدان گیلئیله نیر و دئییر کپی اولمور. دئییرم مدیریت قیسمتینده "تنظیمات پیشرفته" یه گئدیب "تنظیمات ارسال نظر" ده آراداکی گیرده نی "ویرایش ساده با امکان ارسال اچ تی ام الی تیکله سن و دخیره ائتسن کپی ائله مه ایمکانی یارانار.
یاشا