اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین نظرات
پیوندها

یولداشلار هامیسی گیلئی ائله ییرلر کی داها تنبللشمیسن!

وئبلاگا بیر زاد یازیب قویماییرسان.

ماحمیدین زامانیندا بوندان چالیشقانیدین!!!

دئییرم: جانیم چالیشدیق چالیشدیق ماحمید گئتدی حسن گلدی.

خالقیندان اؤترو سؤیود کیمی اسن گلدی!

برجام اولدو فرجام اولدو.

شله پیرتلادی!

گونده بیر نوجومو فیش اوزه چیخدی!

امیر بازارینی یاندیردیلار کی بیر عیدده یه بیر ایپک دستمال یئتیشسین!

آخی من نه یازیم داها؟!

بوتون ایشلر دوزه لیب.

بئکارلیق بیتیب.

باهالیق ایتیب.

شیش یاتیب. (تورم ماهار اولوب)

قورد قویونولا دولانیر.

هئچ کیمین اوره گینده سو ترپشمیر.

دوکتور جئری مطببینی باغلاییب ساخت و پاخت (کیریخدیم بساز بفروش) ایشینیه گیریب.

کئفلی ایسکندر ایلده دؤرد دفعه مککه یه گئدیر.

اؤرت باسدیر ماحالینین کدخوداسی ائلچی بئی کانادادا کئفه کؤتک چکیر.

داها کم کسیر یوخدو کی.

دئدیلر: ایندی کی کئف دیزدندی اوندا بس بیر غزلدن زاددان یاز چؤله گئدنده اوخویاق قانیمیز دورولسون!!!

بیردن بیره نیطقیما بیر بئله بایاتی گلدی؛


نه آستار بللی نه اوز

نه ایری بللی نه دوز 

کیم کیمه دی باس گئدسین

نه اللی بللی نه یوز.


گئدین هله بونو اوخویون گؤروم دالیسی نه گلیر...


  • میر حسین دلدار بناب

نظرات  (۲)

  • دوکتور جئری
  • خوش گؤردوک
    آیدا، قیرخ بئش مین بئش یوز تومنی آلیب، یئییب - ایچیب تنبلله‌شیب، یازمیرسان؛ آتیرسان اونون - بونون بوینونا....
    عزیزیم تقصیرکار آختاریرسان مقصر یارانه دیر، نه تکجه سیزی بلکه بوتون میللتی تنیل اؤیره دیب!

    یاشایین
    پاسخ:
    سلاملار عزیز دوکتور جئرییه
    اشی من ایندی او پوللارا داها باش ایمیرم
    بیر یئر آختاریرام اؤزومه و عاییله مه نوجومو آیلیق قاتلییام!!!
    داها سن گررن آغاجلار کورکلیگه کسیلیبدیلر.
  • حسین سپهری
  • نه گجمیز بللی نه ده کی گونوز
    گجلر یورقونوخ چاپرخ گونوز
    یاشایش گر بودی؟الله قهرادسین
    ایدین اولسون گوروم سیزین هرگونوز
    پاسخ:
    یاشاسین شاعیر افندی.

    ارسال نظر

    ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
    شما میتوانید از این تگهای html استفاده کنید:
    <b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
    تجدید کد امنیتی