اندیشه

فرهنگی، ادبی، تاریخی، هنری، طنز

اندیشه

فرهنگی، ادبی، تاریخی، هنری، طنز

اندیشه

درباره مدیر:
میر حسین دلدار بناب
متولد 1346 بناب مرند
پژوهشگر

بایگانی
آخرین نظرات
پیوندها

بایاتیلار بایاتلاشمازلار!!!

شنبه, ۱۲ دی ۱۳۹۴، ۰۱:۵۱ ب.ظ

یولداشلار آی یولداشلار

کسیلیر بیر بیر باشلار

بوغولان هاراییمدیر

گؤزومدن آخان یاشلار.

     *****

سن گؤیلرده من یئرده

قاتلاشارام هر درده

باشیمین چکدیگینی 

قوی دئییم پرده پرده.

     *****

دیلمیزی باغلیرلار

کؤکسوموزو داغلیرلار

باشیمیزی کسن لر

باشا چالیب آغلیرلار.

     *****

حیاتیمیز نیسگیلدی

بیر گونوموز مین ایلدی

کیملیگیمیز جان وئریر

اونا جان وئرن دیلدی.

     *****

چیچکلر آچیب سولدی

گونوموز آخشام اولدی

عؤمروموزون چاناغی

گؤز آچدیق یومدوق دولدی.

     *****

بیلگینین ایشیق گؤزو

سؤزلرین اینجه سؤزو

بابالاریمدان قالیب

ارلیگین سؤنمز کؤزو.

     *****

ساقی بیزه وئر ایاق

قیزارسین کؤز تک یاناق

گولر اوز سرخوش گئدک

جننت باغینا قوناق.

                         هله آردی وار...


  • میر حسین دلدار بناب

نظرات  (۱)

  • احد فرهمند
  • سلام آغای دلدار
    آخشامیز خیر اولسون.
    بیردنه بایاتی وار،ایستیردیم گؤره م بونون بیرینجی بؤلومون بیلیرسیز
    خوی دا بیر ایگید اؤلسه
    یاسیندا مرند آغلار
    پاسخ:
    سلاملار
    شرمنده یادیما گلمیر.

    ارسال نظر

    ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
    شما میتوانید از این تگهای html استفاده کنید:
    <b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
    تجدید کد امنیتی