یئنی بایاتیلار
پنجشنبه, ۲۶ شهریور ۱۳۹۴، ۰۸:۳۱ ب.ظ
توپراقا نفس وئرن
نفسه قفس وئرن
سسیمیزه بیر سس وئر
قورو نئیه سس وئرن.
*****
بو گلن نئی سسی دی
صراحی مئی سسی دی
جان آیریلیب جاناندان
جانین گیلئی سسی دی.
*****
بو گلن تار سسی دی
یوخ سانکی یار سسی دی
هیجران چکن عاشیقین
آخ یار آخ یار سسی دی.
*****
بو گلن جان سسی دی
عهد و پیمان سسی دی
یئر اوزونده تک قالان
یازیق انسان سسی دی.
*****
بو گلن جان سسی دی
دورو ویجدان سسی دی
دونیانی جننت ائدن
اهل عرفان سسی دی.
*****
هله آردی وار
گنه داع نه دییم!!!!!!!!!!
گنه اوبیری لره تای شاهکار لار یارادیر سیز کی سوزی یوخدو دا
فقط بونی دیه بولَم کی الَریزآغریماسین استاد دیلدار